Ha ka 8 tarik uni u bnai, ka seiñ manbei ka Congress hapoh ka jylla, ka Meghalaya Pradesh Mahila Congress hapoh i yahkhmat ka Joplin S Shylla kam ka President, da lai ki wow yachem ya u Dr. DD Lapang, uwa man leh uwa e buit u Montri Rangbah ka sorkar jylla katni.
Ha kani ka sngi da emlang leh kiwa yahkhmat ki District Mahila Congress kiwa kynthup ya ka East Jaiñtia Hills, Ri-Bhoi District Mahila Congress, West Khasi Hills Congress Committee, South West Khasi Hills Congress wa ka West Jaiñtia Mahila Congress.
Ini i lai yachem ya u Dr. DD Lapang man ko yow kyrpaad ya oo wow uiñ biang cha ka seiñ Congress.
Ha ini i yachem, neiliang ki Mahila Congress da pynsñiaw wa waroh chi kattu hadien wa u Dr. DD Lapang ym em de u ha ka Party Congress, da sñiaw la kam ki khonswet neibhah wa ki chim ki ya u Dr. DD Lapang kam u pa uwa ye wei uwa e buit e bor ya ki ha ki por wa dang em ha ka seiñ Congress.
Ha ini i yachem, ki Mahila Congress da kyrpaad joor ya u Dr. DD Lapang wow uiñ biang cha ka Party.
