Kiwa kreh ka Jaiñtia Hills Autonomous District Council (JHADC) hapoh ka lama ka JHADC-Staff Association, da kyrpaad ki na u Chief Minister ka jylla, u Conrad K. Sangma wow pynlait noh ya ka poisa wa Rs. 19 klur kamwa da kular u ha kiwa pathai khubor.
Kini kiwa kreh ka JHADC da pynkynmoo ki wa heipor wa hiar u Conrad cha Jowai ha ka 21 tarik u Naisan 2025, da pynbna u wow pynlait ya ka Rs. 20 klur cha ka Jaiñtia Hills Autonomous District Council (JHADC) heiwa dadep wow su ya ka tulop neibynta 2 bnai, itæ neibynta u Naichiphaw (Oct) wa u Khonchonglad (Nov) 2024 cha kiwa kreh.
Ha ka jooh ka sngi u Conrad da kular u leh wa hapoh ar ne le tayaaw ka sorkar jylla daw pynlait ko sa Rs. 19 klur cha ka JHADC tangwa hadooh katni ka JHADC ym pu yoh ko ya katæ ka Rs. 19 klur na ka sorkar jylla.
Kamtæ hajrong kini waroh da kyrpaad ki ya u Conrad wow pynlait noh ya katai ka Rs. 19 klur kamwa da kular u khnang wa ka Council u ye ko wow su pyndep noh ya ka tulop wa sah nadooh u Kmaichonglad (Dec) 2024 hadooh u Naiynru (Jun) 2025 khnang wow yoh ki wow lehkmen ya ka Behdieñkhlam wei wow su ki ya ka poisa wa sahteiñ cha kiwi.
Puræ leh: Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan
Discussion about this post