Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

U Chief Minister ka Assam, u Himanta Biswa Sarma ynne da klam pyrchah u ya u MP ka Congress na Assam, u Gaurav Gogoi deiwa kylli ya ki yurim wow kynthup ya uni ha ka All Party Delegation wow thaad ya ka Pakistan ha kiwi tawon ki ri khamtam heiyatoh wa i emkti ko wa ki kaam Terrorist haddooh wow lai cha UN Security Council heiyatoh wa ini.

U Himanta hawa yaklam wa kiwa pathai khubor ynne da ong u wa ki Delegation daw lai ki cha kiwi ki ri wow khana ya ki kaam damok ka Pakistan. 

Da pynbaad u leh ya u Gaurav Gogoi uwa jooh yait wow beiñ ya ka Pakistan hapyrdi i yakynaad leh deiwa ong wa tip u wa da jooh lai u Gaurav cha Pakistan wei ym em kyntait u yeitæ.

Da pynbaad u leh wa ka kurim u Gaurav da yoh poisa ko ar snem na ka seiñ na Pakistan weiwa kani ka seiñ yajan bha ko wa ka ISI ka Pakistan.

Related posts

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

U Himanta da kylli u leh wa kammon kam utæ u MP u lai u cha baar ri wow thaad ya ka Pakistan hawa oo emkti u wa ka seiñ wa emyatoh wa katai ka ri.

Da kyrpaad u leh ya u Rahul Gandhi wymtoh u kynthup ya u Gaurav Gogoi ha kini ki Delegation.

Puræ leh: U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist