U Montri wa pait ya ka chnat puræ puthi ha ka jylla, u Lahkmen Rymbui da pyntip u wa da dep u wow pynsñiaw cha ka sorkar pyrdi wa toh iwa emkaam wow e tika yada COVID-19 ya ki khynnah skur, heiwa da kyrpaad u ya ka sorkar wa lada wa yoh ya ki dawai, toh u pyrkhat leh hakhmat dooh ya ki khynnah skur.
Da ong u wa da dep wow pynsñiaw cha ka sorkar pyrdi wa ki Online Class ym man ki kiwa biang neibynta i puræ puthi ki khynnah hapoh ka jylla wei kamjooh ha ka ri waroh kawi.
“Kamtæ da kyrpaad ya ka sorkar India wa lada yoh ya ki dawai tika, ya ki khynnah skur toh u booh hakhmat dooh wa ki toh u yoh ki ya i tika”, ong u Rymbui.
U Rymbui da ong u wa man ko iwa eh sakhiat ya ki khynnah wow yoh ki yei stat wa pura khlem da lai cha ki skur.
