Kyrriah ka sorkar Manipur ya ki manyung Kuki wa khaddooh wa dang sah ha Imphal

Ka sorkar Manipur da kyrriah ko ya ki 10 tylli ki manyung wa khaddooh kiwa man kam ki Kuki kiwa dang neh bait ha Imphal kiwa em 24 ngut ki wym em yut hadien wa mih ka mynsoo mynsnaam la soo bnai kattu hapoh kani ka jylla hapyrdi ki Kuki wa ki Meitei.

Ka thaaiñ Imphal toh kawa boon ki Meitei wa sah kiwa em 60% na waroh kiwa chong chnong.

I kynaad ha Manipur da sdang biang i ha kini ki sngi heiwa da em biang kiwa chah pynyap wa kiwi mynsoo.

Ya kini ki manyung da kit na New Lambulane, Imphal heiwa da pynsñiaw ki yei pyrchah neibhah ym em e laad ya ki wow pynlang iyi iyi wei da da yoh ki u rah du da iwa em ha doh yong ki heiwa ki pulit ka sorkar da wan ki heipor pyrdi synyaaw yow kyrsu thiah ki wei da kit ya ki hapoh ki kari Bullet Proof.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Kini kiwa chah kyrriah da ong ki wa da chah kyrriah yabor ki wei da pynbaad ki wa da leh ka sorkar yeini deiwa chah pynbor ha kiwi.

Hapoh kani ka New Lambulane da jooh em kamwa 300 tylli ki manyung Kuki kiwa da jooh sah tangwa kiwa boon da yut chwa ki nadooh wa sdang i kynaad ha ka 3 tarik u Naisan.

Ya kini ki 10 tylli ki manyung da yah cha i thaw wa jngai 27 Km na Imphal cha i thaw wa tip kam i Motbung, Kangpokpi District iwa man i thaw wa chong ki Kuki wa kiwi ki jaitbru Ri-loom.

Ini i kynaad hapyrdi ki ar jaitbru ka Manipur, da neh i la kamwa soo bnai kattu heiwa da em 150 ngut wa da chah tynyap wei palat 400 ngut wa mynsoo heiwa waroh ar liang da rah tiar yasiat ki.  

Da em leh 60,000 ngut kiwa da yut chnong hapyrdi i em ki chipai wa ki pulit wow pynneh ya i chongsuk.