La 12 snem wa synchaar ka BJP ym em wa lehbeiñ næ thombor ko ya ka jylla: Ong u khynroo

Ynne ka sngi u Kyrmen Shylla da pynman u ya ka yalang paidbah ha Byndihati, East Jaiñtia Hills wow pynche ya ka khubor wow psiah cha BJP.

Hawa chimbynta ki paidbah wow pynsñiaw heiyatoh wa ini, uwi u waheh, u Leo Siangshai na Khliehriat da ong u wa ha India da yoo wa ki Seiñ Khian (Regional Party) ym ye ki wow leh iwon iwon khlem da krehlang wa ka BJP, deiwa kyntu wow kreh neibynta ki paidbah heiwa da ong u wa emkaam u kular wow yoh u psiah kreh chipai ki khynroo na ki thaaiñ mooyong namo Coal Belt Area bar u chah thngan ki.

U Joinriwel Pyrtuh (Ex-MDC) da ong u wa oo wa u Justine Dkhar (Ex-MLA) da da jooh psiah ki cha ka BJP heiwa emkaam u psiah noh cha ka neibhah wa man ko kawa ap wei kawa kreh deiwa pynrap wa katni ka poisa wa yoh ki District Council da ku bha i na ka sorkar pyrdi.

Sa uwi u waheh da ong u wa nadooh wa khang ya u mooyong da yut ki manbei manpa wow lai cha kiwi ki chnong wow kreh khnang wow pyndap yeiwa emkaam ha yung.

U Waheh Chnong ka Sohkymphor Neiñ da kylli u lada psiah cha ka BJP mynnu u wai ya u mooyong wei kammon kular ki u leh yeiwa emkaam katkam i dawa.

Uwi u khynroo, u Phermiki Phawa na Iongkaluh hawa e i klam da kdaw u ya ki kaam pynroi wa da wanrah ka sorkar BJP na Delhi nadooh ki Scheme yung, bordiñ, kum chet namo LPG wa kiwi de. Da kdaw u leh wa waroh ong ki wa lada wan ka sorkar BJP daw lehbeiñ wei thombor ko tangwa la 12 snem tam ym yoo yeiwa thomvor ko næ i lehbeiñ ko ya ka jylla.

Related posts

Da sdang ya ka Hospitality Training ha Jowai

October 30, 2026

Dei khyndaw-bilat, mooblok wa kiwi de e yarap ka JUPRF cha ka chnong Moojem yow pynneh pynsah ya ka tyllong um

October 30, 2026

Neiliang u Kyrmen da pynche u wa ym em i thut wa ka UDP kamjooh i mynsien wow pyrchah ya ka sorkar wa ka Party.

Da pynche u wa hadien wa yachem wa u Amit Shah da pynman boon ki yalang wa ki heh ka BJP heiwa da kular ki wa chwa u man ka Election MLA daw e ka BJP yeiwa da dawa na ka sorkar pyrdi.