Ka Indian Air Force da pynemkaam ko ya ki Helicopter yong ka 13 sien nadooh ka 17 tarik uni u bnai yow lai e yarap cha ka chnong Maheskhola, Nekora, Bandrasora wa Rangthangsora kiwa em ha South Garo Hills heiwa da lai e hadooh 25-30 Quintal ki marbaam nadooh u khoo, u dai, i phñiang baam, i dud, sla cha, ki kymmor, ki tarpal wa kiwi kiwi de cha kiwa chong chnong.
U slap wa joor ha ki tayaw wa dep da rah da rong, da pynsih u ya kiwa boon ki yingkieñ. I oor khyndaw da tympra i ya boon tylli ki yung wei da chah ktah 38 tylli ki sarok wa da hap wow pynchna wa kynthup ya ki National Highway, ki sarok pynyabi ya ki District, ki sarok chnong ha ki bynta ka East Jaiñtia Hills, South Garo Hills wa South West Garo Hills District.
U sarok NH62 na Rongdong cha Baghmara uwa pynyabi ya ka Siju toh uwa da chah ktah joor bha wei daw chimpor wow pynkhooid. U sarok NH6 ha ki thaaiñ Lumshnong, East Jaintia Hills leh toh uwa da chah ktah bha neidaw wa joor i oor khyndaw.
Da em leh waroh 35 ngut kiwa da dooh yei mynsien nadooh ka 01-04-22 ha waroh kawi ka jylla heiwa kawi ka manyung da khlaad waroh 3 ngut nei oor khyndaw ha Dangar, East Khasi Hills heiwa ka sorkar da pynbna ko T. 4 lak samen cha kiwa da khlaad.
Kiwa chong chnong waroh kiwa da chah ktah da em ki 6,34,818 ngut, kiwa dang wiar 11 ngut, kiwa mynsoo 22 ngut wa 310 tylli ki mrad wa da yap.
Ki thaw rep kiwa da chah ktah da em ki palat 1000 HA wei ki bru wa dang sah ha ki thaw rieh namo ki Relief Camp da em ki 4885 ngut katwa ki yung kiwa da chah ktah da em ki 4,385 tylli.