Ka Khasi Students’ Union (KSU) Wapung Unit ha ka 25 tarik da yoh ko wow wai pyrda ya ka “2nd (L) Lurshai Hynniewta Knock Out Football Tournament 2022″ kawa da pynman yow kynmoo warom ya u Lurshai Hynñiewta uwa man u dkhot ka seiñ uwa da khlaad noh ha iwa da jia ha Ichamati ha u snem 2020.
Ha kani ka sngi, u Bhahlang Lamurong da man u kam u kongsan uwa man kam u rangbah ka chnong Rymbai deiwa emlang u Satly Ryngkhlem uwa man u Vice President ka KSU EJHDU wa kiwi de ki dkhot ka KSU Wapung Unit.
Kani ka lympung man ko leh kam chibynta wow kyntu ya ki khynroo ka thaaiñ wow pynyoo yei sap khnang wow wanrah yei yajan hapyrdi ki khynroo na kawi ka chnong cha kawi won wei wow em i mynsien kitkhlieh wow yada ya ka chnong ka thaw wa yaka ri wa jaitbru.
Ha kani ka sngi, ka yalehke wa nyngkong da pynman hapyrdi ka Lad Rymbai Dongwah FC pyrchah waka High Level FC heiwa da jop da ka Lad Rymbai Dongwah lyngba ka yachut Tie-breaker.
