La 15 sngi ym em wan kreh u Rohit Prasad iwa mut wa da ieh yei kaam: JAC

Ka Joint Action Committee wa kynthup ya ka NEHUTA, NEHUNSA wa NEHUSU da pynsñiaw ki wa i kaam yong u Rohit Prasad uwa da chah thung kreh ha u Vice Chancellor kam u Technical Officer/Senior Consultant da kut i hadien i wym em de wan kreh u kattu la 15 sngi.

U Chairman ka JAC, u Prof. Lakhon Kma da ong u wa chong kattu ha u VC kammon wow pynbna neibhah katkam ki kyndon lada uwon uwon wa wiar nei kaam hadooh 15 sngi mut wa da ieh noh u yei kreh wei ka NEHU ym emkaam de ko ya oo.

Kam wow kdaw heini wa kawi na ki phang wa ka JAC da yakhih pyrchah ko toh hajrong i thung kaam ya u Rohit Prasad da u Vice Chancellor, u Prof. Prabha Shankar Shukla, heiwa da chah pynbaad u wa i thung kreh toh kawa da leh pyrchah ya ka aiñ da u VC samen khlem da pynbna næ pyntip paidbah.

Hajrong ini i thung ya u Rohit Prasad, ka JAC da lai ko wow sai oo na kamra kreh u wei da khang tala syndon yaka kamra krehkaam u.