Ka sorkar India da dep ko wow mynjur yow chna hadooh 157 tylli ki Medical College wa thymme ha India nadooh u 2014 wei da pynlut T. 17,691.08 klur neibynta kini.
Manda dep kini waroh daw em hadooh 16,000 tylli ki Undergraduate Medical Seat heiwa na kini da em 6500 tylli ki Seat kiwa da pynkrehkaam ha ki 64 tylli ki Medical College wa dang thymme.
Hapoh ka Centrally Sponsored Schemes (CSS), ka sorkar pyrdi da e ko leh T. 2,451.1 klur yow pynku kyrdan ya ki Medical College ki sorkar jylla wa ki yong ka sorkar pyrdi yow pynboon ya kiwa yoh u lai puræ MBBS hapoh ka ri.
Ki Medical College thymme toh nadooh ki wow chna hapoh ki District Hospital, i pynku kyrdan ya kiwa da em chwa, u pynkhlan ya kiwa da em chwa yow ye ki u sdang chooh chooh ya kiwi ki chnat puræ.
Hapoh kani ka Centrally Sponsored Scheme, ki Medical College u booh ha ki District ki wym em ya ki Medical College sorkar lane ki yong ki bru samen. Daw jied leh ya ki District wa dang sahdien lane kiwa da sdang ku bha.
Hapoh ki le bynta (Phase) kani ka Scheme, 157 tylli ki Medical College wa thymme da dep wow mynjur heiwa 63 tylli toh kiwa da krehkaam. Na ki 157 tylli ki College wa thymme wa da mynjur hapoh ka Centrally Sponsored Scheme, 39 tylli toh kiwa da booh ha ki District kiwa dang ku bha.
Katkam ka kyndon, ya kani ka Scheme toh u pynkrehkaam da ki sorkar jylla.
Iwa da ye u leh ha ki 3 Phase man ki kamni ha wah:
I rukom su poisa toh deiwa yabhah 90:10 da ka sorkar pyrdi waka sorkar jylla neibynta ki jylla ka thaaiñ Northeast wa kiwi ki Special Category States katwa 60:40 neibynta kiwi ki jylla heiwa da booh wow pynlut T. 1.20 klur neibynta kawi ka Seat.
Ki 48 tylli ki College ha ki 15 tylli ki jylla kiwa da dep mynjur toh neibynta ki 3325 tylli ki Seat heiwa da pynlait T. 6719.11 klur kam ki bhah ka sorkar pyrdi.
Sa kawi ka thong toh yow pynku kyrdan ya ki Medical College ka sorkar yow pynmih chnat puræ PG wa thymme.
Hapoh ka Phase-I kani ka Scheme kawa da sdang hapoh ka XI Plan yow pynkhlan wei pynku kyrdan ya ki State/Central Government Medical College yow pynmih thymme ya ki PG Seat. Waroh da em 72 tylli ki Government Medical College ha ki 21 tylli ki jylla/UTs yow pynmih 4058 tylli PG Seat. Ka poisa wa da dep pynlait dapoi ko T. 1049.3578 klur hapoh kani ka Scheme hadooh kattæ.
Hapoh ka Phase-II da mang wow chna 4000 tylli ki PG Seat ha ki Medical College ka sorkar wa em hapoh ka ri. Hapoh kani da mynjur ya 16 tylli ki Government Medical College yow pynmih ya 1741 tylli ki PG Seat hadooh katni. Hadooh katni da pynlait poisa T. 694.534 klur.
