Ka chnat rel ka ri namo ka Indian Railways dadep pynkrehkaam ko hadooh 2813 tylli ki rel wa kyrpang ‘Shramik Special Train’, kiwa da kit hadooh 37 lak ngut hadooh 10:00 waje ynne i step ka 24 tarik.
Na kini, em kamwa 60% toh kiwa na Gujarat, Maharashtra wa Punjab wei boon hi toh kiwa lai cha Uttar Pradesh wa Bihar.
80% na ki rel Shramik Special toh kiwa lai cha Uttar Pradesh wa Bihar (1301 tylli cha UP wa 973 cha Bihar).
Kiwa boon ki thaw ha UP toh ha ka thaaiñ Lucknow-Gorakhpur katwa ha Bihar won boon ha ki thaaiñ Patna. Na kini ki 565 tylli ki rel da lai ki ynnin, 266 toh kiwa lai cha Bihar wa 172 cha Uttar Pradesh.
Chooh chooh da pyntip wa neidaw wa boon ki rel toh kiwa lai cha liang mihsngi (East) da em i khynnia ha ki luti rel iwa da bood won sei lat ki rel wow poi cha ki thaw wei da ktah i leh yei rukom saam ya ki baam.
Neiliang IRCTC wa ka chnat Railways da yaleh ki katwa ye wow pynbiang ya ki marbaam wa ka um cha kini ki Shramik Special wow pynsuk ya ki bru.
Discussion about this post