La 4 ngut wa yap wei chah ktah 37,032 ngut nei chlai um ha Assam

I chlai um ha Assam da wanrah i yei yap ki 4 ngut wei kiwa chah ktah da em ki 37,032 ngut ha ki 6 District ka jylla katkam wa pyntip ka Assam State Disaster Management Authority (ASDMA).

Uwa dang yap toh na Chariduar Revenue Circle ka Sonitpur District heiwa uni u bru da wiar u ha i miet ka 13 tarik wei da chem yei metyap u ha ka 14 tarik uni u bnai wei chwa ini da em uwa yap ha Charaideo District wa ar ngut ha Dhemaji District.

Ki 6 District wa chah ktah toh ka Sonitpur, Dibrugarh, Lakhimpur, Dhemaji, Jorhat wa Sivasagar.

Ha waroh da em 99 tylli ki chnong wa chah ktah nei chlai um iwa da ktah leh ya ki 37,032 ngut ki bru wei ka sorkar da wai ko ya ki 20 tylli ki Relief Camp.

Related posts

Yap uwi hadien wa tyrrah ka Truck ya kawi won hadooh wa kylla ha u NH6

October 12, 2026

Deiwa bood ki luti ki warim lai kjat ka Tuber Kmai Chnong cha Iawmusiang | Da thied leh ki mar yow pynku ya ka yaaw

October 12, 2026

Ini i chlai um da ktah i ya ki thaw rep wa heh hadooh 1,103.943 Hectare wa chah tymmoh ha ka um.

Chooh chooh ki mrad wa ri wa da chah ktah da kynjoh ki cha ka 16,139 tylli.