Ynne ka sngi u montri rangbah ka New Delhi, u Arvind Kejriwal chirup wa u symbood montri rangbah ka Delhi, u Manish Sisodia wa kiwi kiwi da lai ki cha Singhu kawa em ha khappood ka New Delhi wa ka Haryana wow yaklam wa ki warep kiwa yakhih ha ini i thaw.
Neiliang u Kejriwal da ong u wa da chah pynbor ki warep wow thiah ha sarok la 32 sngi hapyrdi i dait i kjam wei ini da pyntakha i yei mynsien yong oo khamtam hadien wa dooh ya ki 40 tylli ki mynsien wa kordor neidaw ini.
Da kyntu u leh ya ka sorkar pyrdi wow ap yei eh i khoo ki warep neibhah ini i yakhih toh hajrong i yap i im yong ki.
Neiliang u Sisodia da ong u wa neiliang u Kejriwal da kreh u la 24 kynta wow pynduna yei chitom ki warep khamtam hadien wa pynmih ka sorkar pyrdi ya ki aiñ wa thymme heiyatoh wa ki.
Kam wow pynkynmoo heini ini i yakhih da sdang i nadooh ka 26 Khonchonglad ha pood ka Delhi wow pyrchah ya ka aiñ wa kynthip ya ka Farmers’ Produce Trade and Commerce (Promotion and Facilitation) Act, 2020; Farmers (Empowerment and Protection) Agreement on Price Assurance and Farm Services Act, 2020; wa ka Essential Commodities (Amendment) Act, 2020.
