La 50 snem da pynman Hanuman Jayanti ha Shillong, sñiawsih ka SSHJUS wa chah pyndam

Ka seiñ Shri Shri Hanuman Jayanti Utsav Samiti (SSHJUS) da thoh ko cha u Deputy Commissioner ka East Khasi Hills yei chah pyndam i e bor wow pynman yei lai paidbah kam chibynta ka Hanuman Jayanti ynne ka sngi.

“Da dep wow yoh bor wow pynman yei lai paidbah ha ka sngi khaddooh i lehkmen ong i ynne ka 7 tarik kamwa jooh yoh man-u-snem na ka yung krehkaam u DC ha ka 3 tarik uni u bnai yow pynman yei lai paidbah ynne ka 7 tarik tangwa sñiawsih won wa hei janmiet ka 6 tarik da pynmih hukum wow pyndam noh yei e bor”, da ong ka Organising Committee ka SSHJUS ha ka chithi wa da thoh cha u DC.

Da ong ki leh wa da ini i chah pyndam da pyndooh nong ko ya ka SSHJUS kawa da dep pynkhreh boon jait wei da pynkulmar ko leh ya kiwa chong chnong.

“Ini da pynkut ko yei rukom leh niam yong i iwa da jooh leh i Ia 50 snem,” da ong ka SSHJUS.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka SSHJUS da pynche ko leh yeiwa da yaklam ki bru chaphang i lai paidbah wa da pynman da ka Vishu Hindu Parishad (VHU) kiwa da chah pynbaad wa da pynchang ki wow pynman yei kulmar ha ka Palm Sunday ha thaaiñ Laban.

“I kwah i wow pynche wa i kam ka seiñ toh kawa yaphær bha bak-la-bak waka VHP. I pynman i du kawi donhi katæ toh ya ka lehkmen Hanuman Jayanti Utsav kawa man kam chibynta ka leh niam neibynta ki para wa ngait wei ymem yatoh i waka VHP lane kiwon kiwon kiwi ki seiñ”, da ong ka SSHJUS.

Da khana ki leh wa ya kani ka Hanuman Jayanti Utsav da leh da ki para wa ngait palat 50 snem wei ka Hanuman Temple wa em ha Luckier Road, Shillong da chna nadooh u snem 1942 iwa da palat 81 snem nachwa ha Shillong da ki waheh yong ki.

Chooh chooh da ong wa da dep chna ya ka Committee ha u snem 1960 yow lehkmen ya ka Hanuman Jayanti kawa man ka sngikha u Hanuman wei da lehkmen ya ka man-u-snem nadooh itu i por. Wei da em ki leh ya ka sabut wa da pynman ya 51 tylli kini Hanuman Jayanti Utsav wei ynnin u snem da man ko leh kam ka Diamond Jubilee.

Da kdaw leh wa ha ki 51 snem nachwa kani ka lehkmen da haap ko ha ka jooh ka sngi wa kiwi ki sngi wa kyntang yong kiwi ki niam wei ym jooh em chah ktah uwon uwon na ini wa leh ki, da pynche chooh chooh ka SSHJUS.