La 7 ngut kiwa chah kem neiwa jia ha Mynsngat Thangksoo

U Superintendent of Police ka East Jaiñtia Hills, u Vikash Kumar da pyntip u wa heiyatoh wa i khayi mooyong tooh iwa man pyrchah ya ka hukum ka NGT, nadooh na ka 1 tarik u January 2026 da kem ya 14 ngut ki bru.

Da Register hadooh 69 tylli ki Case (5 tylli toh chwa i jia ha Mynsngat, Thangskoo), heiwa 62 tylli kiwa yatoh wa i tih mooyong tooh, 5 tylli wa kit mooyong tooh, 2 tylli kiwa yatoh wa ki tiar tympdung wa suba wa pynemkaam hei tih mooyong.

Da khyrrup hadooh 15,224 MT u mooyong wei dang em uwa ympu em kheiñsap ka DMR, da em 5 tylli ki kari wa chah kem, 25.5 kg u Dynamite wa 74 tylli ki Detonator.

Related posts

Chah beh ki dkhot ka Bajrang Dal wa thmu u pynthut ya ki chijur ha ka Valentine’s Day

February 15, 2026

Da ka Drafting Committee chna ka Dorbar Ki Waheh Kur Ri Jaiñtia ka wow booh dei thoh i tar ya kiwa chim kur na ka Bei

February 15, 2026

Kiwa chah kem nei jia ha Mynsngat Thangskoo em ki 7 ngut waroh heiwa kiwa dang chah kem em ki ar ngut kiwa kynthup ya u Ernest Swer wa u Rangsing Syiemlieh wa khut sin u Mithun.

Chooh chooh da em ar ngut kiwa tih mooyong tooh na Umthe wa kynthup ya u Sahanaj Uddin wa u Abansan Syrti, kiwa chah kem wa ki tiar tympdung na Umpleng em ki le ngut, kitæ u Narayan Majumdar, u Salim Uddin Choudhury wa u Safrul Islam Choudhury katwa ki ar ngut wa chah kem wa kit mooyong tooh na Umkiang toh u Rishna Sutnga wa u Skhemborlang Kshiar.