U President ka Meghalaya Pradesh Congress Committee (MPCC), u Vincent H Pala da kam u wa da mut u wow iehnoh yei kaam President ka MPCC nadooh ynnin u snem hadien wa rem u ha ka Election MLA tangwa kiwa yahkhmat ka AICC ym chah ki.
Hadien won wa da rem sa ha ka Election MP ini wa dep leh da lai yah u ya kiwa yahkhmat ka MPCC cha Delhi yow pynlait noh yei kaam President tangwa neiliang kiwa yahkhmat ka AICC ym chah ki wei da phah ki ya oo wow pteiñ kam u President.
Hawa klam wa kiwa thoh khubor ynne ka sngi, u Vincent da ong u wa oo ymtoh u President uwa chah jied tangwa uwa da thung da ka AICC kawa da ong wa lada ieh noh u, ka Party daw nang hiar ko wei da toh wow pteiñ u.
Da ong u wym em itæ i klam pyrchah ya oo kam u President tangwa manda mih ki na ka Party da klam ki kamni kamtai neibhah da pynbooh lang kiwi ya ki kyntien ha ki snieh ktien yong ki.
Heijooh i por da kam u wa kiwa yahkhmat ka Congress kiwa da yut, kattæ da Phone ki ya oo wa kwah ki wow wan uiñ biang cha ka Party neibhah ki sñiawthooh ki wa du ka Congress kawa biang tam.
Discussion about this post