15 49.0138 8.38624 1 0 4000 1 https://wyrta.com 300 0

La chi bnai wa esikai ki pulit ya ki khynnah skur

0 Comments
Advertisement ad1

Jowai : Nadooh ka 22 tarik u Naisaphra 2016 ki pulit ka Traffic Branch ka Jowai da sdang ki u pynman ya ka Foot-drill namo ka sikai lait kjat ya ki khynnah skur kamjooh ki college yow sñiawthooh ki yei hok yong ki kam kiwa lai kjat wei wym em wa ye u pyndooh yei hok ki nadooh kiwa chong dai ha ki luti lai kjat, kiwa pynyieñ kari ha kini ki thaw lai kjat hadooh ki tre dukan kiwa tia cha ki luti lai kjat.

Hadooh ynne ka sngi da dap kattu chibnai wei neilaing ki pulit da saam ki leh ya ki tin noh-jhep næ ki Dustbin cha ki skur wa ki college kiwa da em hadooh 20 tylli kam wow pynkynmoo yei emkaam leh u man kiwa leh khooid ha ki skur yong ki kamjooh leh ha ki luti syngkieñ.

Advertisement ad1

pul1bn1

I thong wa kongsan dooh ha ini waroh toh wow yaleh pyrchah wa ki wa chong dai rood sarok (Hawkers) kiwa chem nadooh na Laad Kynroohsaphlang hadooh wa poi cha ka H.K. Singh School. Ini i bynta toh iwa jrong kamwa 1 Km wei boon leh ki pulit yong ka Traffic da booh ya ki ha kani ka bynta ka wa sah block namo suki i lai i wan ki kari aw jan waroh chi sngi.

Ki luti lai kjat toh kiwa da em, tangwa boon kiwa lai kjat pynemkaam ki ya u sarok iwa pynwit yei lai i wan ki kari heijooh i por leh ya ki luti lai kjat da boon da chim da kiwa chong dai rood sarok.

Deiwa pynuiñ ki pulit da ki khynnah skur chaneiñ chawah da yoo wa da sdang kiwa chong dai u ran cha dien tangwa ha ki ar sngi ka Musiang wa ka sngi Chohthat yoo kamwa sepai iwa leh ki pulit heiwa waroh ki luti kjat da chlai ki da kiwa chong dai.

pul1bn2

Neilaing ki pulit ong ki wa sñiawthooh ki wa daw chimpor u wanrah yei kylla ha i rukom man ki bru wei daw pteiñ ki yeini wa leh ki hadooh wa kut uni u snem.

Advertisement ad1

0 Comments

Leave a Reply