U MLA ka Voice of the People Party na North Shillong da beiñ u ya ka sorkar jylla deiwa ong wa da pyndem ko ha ki bru kiwa sah ha Them Metor, Them Ïewmawlong neibhah lada ka sorkar kam ka tre yung tre thaw dang hap pyndem ko ha kiwa chong wai, bah u ieh noh ym emkaam wow ktah iyi iyi ya ka Them Metor, yang ya ka VPP kawa daw wan hei bor wow leh yeiwa emkaam.
Ka Them Ïewmawlong toh kawa haap hapoh ka North Shillong Constituency, tangwa heipor Election ha uni u snem, u Adelbert ym em lai yooh kjat u ha katai ka thaw yow paan Vote.
Neiliang u MLA ka VPP da kylli u leh hajrong i mih tam hadooh 158 tylli ki tnoom yung ha katai ka thaw ya kiwa ka sorkar da hap ko wow pynlut hi yow chna yung ya ki.
Ini i klam u Adelbert toh hadien wa ka sorkar hei yachem wa ki Harijan Panchayat Committee ha kani ka tayaaw, da mynjur wow e chooh chooh yei thaw wa heh 1.4 Acre neibynta 342 tylli ki tnoom yung wa sah katni ha Them Metor najrong ka 2 Acre wa da dep mang rap nachwa.
Puræ leh: U e ka sorkar sa 1.40 Acre i thaw najrong i 2 Acre yow kyrriah ya ki Harijan na Them Iewmawlong
Discussion about this post