La dei pyrdi miet leh u hiar cha Block II lada em kiwa pynthut wei ym e li ya ki: CEM KHADC

U Chief Executive Member ka Khasi Hills Autonomous District Council (KHADC), u Pynïaid Sing Syiem da ong u wa ki paidbah kiwa chong wa sah ha Block II ymtoh wow chong syier, wei lada em uwon uwon uwa pynwit ya ki, ki MDC wa ka Executive Committee ym salia ki wow hiar wot chiteiñ miet cha Block II.

Ini i klam yong u CEM toh hadien i yachem wa ka Synjuk ki Rangbah Shnong Border Area Raid Nongtung, kiwa da yatai sani bha hawa yatoh wa i chah pynthut ya ki kaam pynroi ha katai ka thaaiñ, wei i chah khanglaad ya kiwa chong chnong wow pam dieñ thang.

U CEM da ong u wa kam kini kiyi kiyi pynman i ya kiwa chong chnong ka Block II wow sñiaw syier ya jia kamwa da jia ha Lapangap ha ki tayaaw wa da dep, wei pynrap u deiwa klam che cha ka synjuk wa ym toh wow chong syier, neibhah ka KHADC wa waroh ki MDC em ki yei kitkhlieh, wei ym e li ki ya kiwon kiwon kiwa pynthut yei chong suk chong saaiñ ha Block II.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024