15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

La T. 399 klur da pynlut ka sorkar wow yaleh pyrchah yaka khlam COVID-19

Advertisement ad1

Hadien wa da mih boon i kylli heiyatoh wa i pynlut wow yaleh pyrchah yaka khlam COVID-19, neiliang u symbood montri rangbah u Prestone Tynsong da pyntip u ynne ka sngi wa nadooh u Wisu (March) hadooh Naikhynde uni u snem da poi cha T.399 klur.

Hapoh ka NHM da pynemkaam wow booh ya ki Corona Care Centers, u thied ki PPE, ki Ambulance hei lut T. 188.9 klur.

Advertisement ad1

Ka yung krehkaam u DHS da thied ki ya ki kor nadooh ki Ventilator hadooh ki Mask deiwa pyntlut T. 82.4 klur.

Napoh ka CM Special Grant da pynlut yow wanrah ya kiwa na baar iwa da poi T. 14.7 klur.

Napoh ka CM-Relief Fund da thied kari wow kit yaki Biomedical Waste wa chong dor T. 7.4 klur.

Napoh ka chnat Labour da yarap ya kamwa 2 lak ngut hei lut wa T. 51 klur.

Hapoh ka Scheme MLA ka SRWP da pynlut T. 25 lak uwi u MLA yow yarap cha ki Constituency kawa da poi T. 15 klur.

Napoh ka PM-CARE da yoh T. 3.5 klur, napoh ka DMF T. 8.9 klur naka SDRF wow booh chooh chooh yaki thaw Test (Laboratory) wa kiwi T. 23.7 klur.

Ka chnat Urban Affairs da pynlut ko T. 3.5 klur yow siat dawai.

Da pyntip leh wa da dep wow su T. 251 klur hadooh kattæ na kani ka T. 399 klur wei dang sah sa T. 148 klur.

Na ka T. 399 klur ka sorkar jylla da yoh yarap ko na ka sorkar India hadooh kattæ du T. 48 klur.

U Prestone da pyntip u leh wa ya ini i pynlut daw kynthup wei pynmih ha ka CAG report yow ye ki paidbah wow yoh ye pynche.

Chooh chooh da ong u wa ki kaam poisa poilaiñ ka jylla kattæ ym toh iwa miat wei da sdang wow yoh dan deiwa wai yaki dukan dai kiad kamjooh wa da sdang kiwi ki kaam tangwa daw hap lai Delhi biang wa u montri rangbah.

Share this:
Previous

La 3 sien i ya tyrrah kari nadooh wa wai ka Atal Tunnel nei joor wa wan kiwa lai paitke

Next

Da pynbna yaki yung wa em ha Tpep-pale wa ha Chiliangraij kam ki Micro Containment Area