Lada chna ya ka Temple ka CBI khlem da yoh bor toh u tympra: KSU

Ka Khasi Students’ Union-Shillong Mihngi Circle da pyntip ko wa ynne hadien wa dadep ko wow yachem wa u Director ka Land and Revenue Department da yoh pynche wa neiliang ka chnat ym embynta ko iyi iyi wow e thaw ya ka CBI ha Mawdiangdiang wei ya ini waroh da leh da ka Urban Affairs Department.

Kamtæ ka seiñ da lai yachem ko leh ya u Director ka Urban Affairs wei hadien wa yaklam wa oo, da batai u wa ya ka thaw neibynta ka CBI da e ka chnat yow chna ya ka Office wa ka thaw sah namo ka Residential Complex kamtæ ka seiñ da kylli ko hajrong ka Blue Print yong kani yong kani ka Office ka CBI wa lada e bor wow chna ya ka Temple hapoh kani ka thaw sorkar.

U Director da kular u wow lai pait ya kani ka thaw wei neiliang ka seiñ da dawa ko wa toh u pynche u hapoh 7 sngi wei toh u tympra leh ya katai ka Temple wa da chna pyrchah aiñ kamwa da jooh tympra ya kiwon kiwon kiwa da chna pyrchah ya ka aiñ da kiwon kiwon.

Related posts

Khih u khmi ar sien ynne i step

October 6, 2026

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Ka seiñ da klam che ko wa lada kani ka chnat sorkar ym leh ko iyi iyi, ym yohsa wow chim ya ka aiñ ha kti wei yeini i dawa da phah leh cha waroh ki yung krehkaam ka sorkar pyrdi wym toh u muchlia wei wow leh embor hapoh u pood u ang ka Bri U Ynñiawtrep.