15 49.0138 8.38624 1 0 4000 1 https://wyrta.com 300 0

Lada chong leh yap lada kyrriah leh yap : Kiwa chong dai madan

0 Comments
Advertisement ad1

Jowai : Ki pulit ka Traffic Branch ka Jowai Police Station hei yahkhmat u D.H. Pde, Traffic In-charge deilang wa kiwa kreh ka JHADC, ynne i step da li phah kyrriah ki ya kiwa chong dai madan ha i thaw pynyieñ kari wa em ha Iawthymme, Ladthadlaboh.

iwthym3

Yeini da leh hadien wa dep pynman ya ka yalang ki pulit wa ki seiñ kiwa kamai kari heiwa ki da ood ki wa kiwa chong dai da chim ki chiboon ya i thaw pynyieñ kari hadooh ki haap ki u pynyieñ kari cha sarok iwa pynwit ya i lai i wan ki kari wa ki paidbah.

Also Read: Daw pynchitom ki pulit ya kiwa dih sikret hapoh kari

Kamtæ ynne i step da e por ya kiwa chong dai wow kyrriah noh cha i thaw wa lait iwa em rap cha wah ka Iawthymme wei lada nadooh mynstep ym leh ki yeini daw kit ya ki mar yong ki.

iwthym2

Neiliang u Wyrta da yoh u yaklam wa kiwa da kyrriah ya ki mar yong ki cha i thaw wa phah ya ki, da ong ki waroh chi sngi ym em wa wan thied na ki. Da ong ki leh wa kiwa chong dai madan ha Iawthymme da chong ki ar laiñ u wi u laiñ wa bi cha chram ka Iaw wa sa chi laiñ wa da poi cha i bynta ka thaw pynyieñ kari.

Ya kiwa poi cha i bynta wa pynyieñ kari da khrong dan na ki T. 10 chi sngi da kiwa pait ya kani ka thaw pynyieñ kari.

iwthym5

iwthym

Kiwa chong dai leh da ong ki hun hi ki u kyrriah lada ye u kyrriah ya waroh kiwa chong dai ym toh du ya ki kattu katni don hi.

Em leh kiwa chong dai madan kiwa da yoh permit na ka JHADC kiwa da ieh ya ki dukan wa da e ya ki yow chong dai ha khmat kani ka Iaw neidaw wa ong ki 2 snem chong ki chadien wei ym ye ki u dai iyi iyi leh kamtæ da haap wan tia ki cha i thaw pynyieñ kari yow ye u dai.

Advertisement ad1

0 Comments

Leave a Reply