U Montri ka chnat puræ puthi ka jylla, u Rakkam A Sangma da pynsñiaw u yei sñiawsih wa ki khynroo khyllood ka Meghalaya ym em mih pyrtuid ki ha ka Exam Union Public Service Commission (UPSC) wa dang dep pynbna ini wa dep.
Hawa klam ynne ka sngi, u Rakkam da ong u wa ini i wiar pyrtuid ka jylla toh u man ko kam i kyrsu thiah yaka sorkar, ki thaw puræ wa yaka jylla neibhah wa ki khynroo khyllood ka jylla ymtoh kiwa biej.
U Rakkam da ong u wa lada dang pteiñ ini wym em kiwa napoh ka jylla wa ye u pyndep ha ka UPSC, ka mynried daw man ko kawa doom. Heijooh i por da ong u wa ini ye ko wow man na i daw i rukom puræ, ki thaw puræ, ki lynnong wei i wym yoh ki yong i wow pynyatoh waka kyrdan haka ri.
Da ong u leh wa ka sorkar da pyrchang ko wow wanrah ki laad yarap waphær waphær yow yarap ya kiwa kwah wow yakhun UPSC Exam tangwa iwa kongsan toh yow pynbha yei rukom puræ puthi nadooh ki skur wa ki College ha ka jylla.
Discussion about this post