U Working President ka United Democratic Party (UDP), u Paul Lyngdoh da ong u wa em hi mo ki MLA na Garo Hills kiwa nood u ong wa u Conrad khlem yaleh Election man Montri Rangbah u, lane em mo ki paralok MLA kiwa pynkulmar wa du arngut chipayu kiwa em ha ka dhab Montri (Cabinet), wei ileh wym em em wa ong yeini? Toh neidaw wa ki lok i na Garo Hills pait ki ya kiwa yahkhmat wei na ini i daw wa ki yahkhmat wei pteiñ ki wow yahkhmat.
U Paul da ong u ya ini ha ka yalang paidbah (General Meeting) yong ka UDP North Shillong, kawa da pynman ynne ka sngi.
Da ong u wa ki MLA Khasi-Jaintia yang bait ki mynnu u poi ka pali ki. Da ong chooh chooh wa lada em iyi iyi toh u leh wow chna thymme, kani toh ka kynti, neibhah 5 snem hadien lada lai bait kamwa lai katni wow ya dai ya thied ya kiwa thap Vote, ki bru kiwa em yei thmu wa bha daw wiar lut ki wei la kamni daw pynlai katwa pynlai wei daw leh katwa ngait.
Uwa yahkhmat ka UDP da ong u leh wa kyrdooh ym toh wa syad dor ki mar baam mar dih, ym toh ka yakhih yong kiwa sikai, tangwa toh i kyrdooh u yoh ya kiwa yahkhmat ka jylla.
Da ong u leh wa lada ym ye wow sai smat ya ka kynhun wa thymme wow yahkhmat ya ka jylla, sa du kajiak por ym yoh de wow pynlai ya ka Secretariat.
