U MLA ka UDP na Amlarem, u Lahkmen Rymbui, ynnin ka sngi, hapoh ka yung dorbar chna aiñ da pynbaad u wa em kiwa mihkhmat paidbah kiwa da yahbakla ya ki khynroo ka jylla deiwa ong wa i phah pynkylla ya ka State Reservation Policy daw pynwiar ko yei dooh khih dooh kreh ha Meghalaya.
Hawa wanrah u ya ka phang yaklam hajrong i dooh kreh hapoh ka jylla, da kdaw u leh yeiwa kyntait ka yung dorbar ya ka Bill wa wanrah da u MLA ka VPP, u Adelbert Nongrum yow booh bhah hapoh ka Reservation Policy ya ki ST kiwa dooh wa duk.
U Lahkmen da ong u wa ini wa thmu wow leh kamni daw phiah ko ya ka jaitbru Ynñiawtrep waka jylla waroh kawi.
Da ong u leh wa hanla ka Supreme Court ini wadep da chah ko wow phiah chooh chooh ya ki ST wa SC hawa kheiñ ya ka Reservation Policy tangwa ini daw wanrah ko ya oo wow paan bhah ya ki War kiwi won daw paan bhah ki neibynta ki Maram wa Lyngam wei ki Garo daw paan bhah ki ya ki A’tong wa Megam.
Da ong u wa heithaw wow e mynsien bakla ya ki khynroo khyllood, toh u pynchlur ya ki wow em i mynsien wow yaleh wa kiwi neibhah ini i dooh kreh da man ko kam u Bomb wa ye u pdung ha iwon iwon i por wei hap wow leh smat iyi iyi yow lait u jia ini. Chooh chooh da e daw wa ka Meghalaya toh kawi na ki jylla wa boon dooh ki khynroo ki wym em kreh wei sa iwi wa emkaam u pyndooh noh toh yei pyrkhat wow kwah bait yei kreh sorkar wot hawa em du ki spah tylli wa lait ha ka chi snem.
Chooh chooh da ong u leh wa da em i sñiawthooh bakla wa du kiwa tipmit ya ki heh ki haaiñ kiwa ye u yoh kreh sorkar wei kam ka sorkar toh i kaamram wow pyndooh noh yeini i rukom sñiawthooh bakla deiwa pynrap leh kmen u wa ini wadep kiwa yaleh kreh ha ka chnat i chait i khiah, ki kreh pulit waka chnat puræ man ki kiwa rap hun yeiwa da leh.
Puræ leh: Chah kyntait ka Bill wa wanrah u Adelbert yow booh bhah ya kiwa dooh wa duk ha ka Reservation Policy
Puræ leh: Ki ST/SC kiwa da biang i yoh i kot ymtoh de u yoh bynta ki ha ka Reservation: Supreme Court
Discussion about this post