U MLA warim ka Umroi Constituency, u Ngaitlang Dhar da ong u wa ym sñiawphær næ sñiawphylla yei chah beiñ chah pynbaad. Da ong u wa lada dooh leh chah beiñ chah pynbaad, lada yoh leh chah beiñ chah pynbaad, lada yarap leh chah pynbaad lada ym yarap leh chah pynbaad, wei da pynrap u deiwa ong wa lada ap ya kitæ waroh cheiwon won u kyruiñ.
U Ngaitlang uwa man leh u pa yong u Montri sorkar wa u kyrtong ka NPP na Nongkrem, da ong u ya ini ha ka yalang kawa da man ynne ka sngi ha Smit, kawa haap hapoh ka Constituency kawa e reiñ u khon u, u Dasakhiatbha Lamare.
Katkam i klam u Ngaitlang, hadien wa da pynbna wa u Dasakhiat uwa man u MLA ka Mawhati daw yakhun noh u ya ka Election na Nongkrem, da mih ki pynbaad bait wa oo toh u khon u heh spah wei da thied u ya ka Vote ki paidbah ka Nongkrem.
Da ong u wa ini toh i por Election wei toh ka por wow beiñ wei wow pynbaad wei ym sñiawphylla ya ini wei da pynrap wa lada kam kiwa yarap ki ap ki yei beiñ yei pynbaad, ye ko wow pyndooh mynsien noh wow yarap.
