Lada em ka Congress hei bor, u DD Lapang ym ieh u ya ka Party: PT Sawkmie

Shillong: Uwa yahkhmat ka Congress ha ka jylla uwa man leh u Chief Whip ka Congress ha ka Yung Dorbar chna aiñ ka jylla u MLA ka Mawlai Constituency, u Process T Sawkmie da ong u wa lada ka Congress em ko hei bor u Dr. DD Lapang ym mih u naka Party.

“Nga ym sñiaw phylla O neibhah da jooh jia ya waroh ki seiñ saiñ pyrthai, lada ym em ha i bor ki da em bait ki wei kiwa mih toh kiwa kwah u psiah cha ki Party kiwa em ha ka sorkar,” da ong u Sawkmie.

Heiyatoh wa i e daw u Lapang wa ka Congress ym burom wei kyntait ko ya kiwa yahkhmat kiwa da heh rta u Sawkmie da ong u, “Ka Party ym jooh kyntait ko ya kiwa yahkhmat wei i burom i ya ki kamwa burom ya waroh kiwa kreh Party.”

“Ha i por wa rem u kam u MLA, ka Congress 5 snem da thung ko ya u Lapang kam u Chairman ka State Planning Board, ka da e ticket wow yakhun MP u ha kitu ki por, kammon wow pynbaad u wa ka Party ka kyntait ko ya kiwa yahkhmat,” da ong u.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Hawa jubab ya em iwon iwon i wym sñiawsuk yei rukom kreh u Dr. Mukul Sangma, u Sawkmie da ong wa u Mukul burom bha u ya u Lapang.

“U Dr. Mukul deiwa burom bha ya u Lapang da thung u ya oo kam u Chief Adviser yong ka sorkar MUA-II, ini pynyoo wa ka Party ym jooh kyntait ko ya kiwa yahkhmat yong ka,” ong u Sawkmie.

Da ong u leh wa ini i mih syndet u Lapang ym tip na iyi i daw lait noh du oo samen donhi.

U Sawkmie da kyntait u leh wa em i yapra hapoh ka Party neini i leh u Lapang wei waroh ki 20 ngut ki MLA ki biang hi ki wei ym ktah ko ya ka Election MDC waka MP.

“Ka Congress toh ka Party kawa da rim wei ka em ko ki wakreh wa kiwa kyrchaan kiwa khlan, wei i mih u Lapang ym toh wa chah beh u wei lada beh i oo ye ko u ktah ya ka Party,” pynkut u Sawkmie.

(Feature Image-File Photo)