Lada emkaam u rah lang ki pulit ya ka bei u pa u khynnah wa tyrrah ya ka manbei hadooh wa yap

U Superintendent of Police (Traffic) ka East Khasi Hills, u Kamakhya Prasad da ong u wa ki pulit da bichaar bniah ki hawa yatoh wa i chah tyrrah yong ka manbei ha kawi ka thuk-thuk ha Mawlai hadooh wa da khlaad noh ko, wei lada emkaam daw hap wow rah leh ya ki bei ki pa yong uwa yah neibhah man u uwa dang khian rta.

Da khana u wa katkam i takit da chem wa uwa yah thuk-thuk uwa tyrrah ya kani ka manbei toh uwa dang hapoh hapoh 18 snem i rta wei em u ya Learner’s License iwa mut da tyngkheiñ ya ki kyndon. Da ong wa katkam ki kyndon, uwa yoh ya ka Learner’s License toh u man u palat 18 snem wei lada yah yaka thuk-thuk toh u man ko hadooh 50 CC i bor wei ini toh dei tip ki bei ki pa wa i bahkhlieh yong ki.

Hawa yatoh wa itai wa jia ynnin ka sngi ha Mawlai, u SP da pyntip u leh wa da rah ki ya uni u khynnah cha yung bichaar wei da Register leh ya ka Case.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

U Prasad da ong u wa ki pulit da chimkhia bha ki ya ini wa jia, wei neini chakhmat lada em na kiwa yah kari wei khamtam ya ki ar chaka kiwa tyngkheiñ ya ki kyndon daw pynchitom katkam ka aiñ.

U SP heijooh i por da kyntu u ya ki bei ki pa wa toh i kaamram yong ki wow pait wa ki khon ymtoh wow yah khiar ki ya ki ar chaka, neibhah boon i jia wa sñiawsih wa da jia, wei lada ki bei ki pa tyngkheiñ ki ya ki kyndon, ki leh ye ki wow chah pynchitom lang katkam ka aiñ.