U Symbood Montri Rangbah ka jylla uwa pait leh ya ka chnat PWD (R), u Prestone Tynsong ynne da ong u wa da phah ya u Chief Engineer (National Highways) wow pynsakhiat yei chah pynbaad wa chna habra ya u sarok Dawki-Amlarem-Jowai ha ki bynta Nongtalang hadooh Dawki da ka Dhar Construction Company.
U Prestone da ong u wa da phah pait yei rukom chna wei yow chem yei tre yow tip lada em sakhiat ini i rukom kreh khalær ya ki sarok hapoh Meghalaya neibhah ymtoh wow jia kamni.
Da pyntip u leh wa ini i bynta uni u sarok toh iwa pait da ka RO Station na Guwahati ka yong ka National Highway Authority of India (NHAI).
Kam wow pynknymoo wa ha ka 4 tarik uni u bnai, ka Joint Action Committee (JAC) wa kynthup ya ki waheh chnong ka War Jaintia Hills deilang waka Hynniewtrep Youth’s Council (HYC) da maham ki wow yaleh da ka mukotduma haka Meghalaya High Court pyrchah yeini waroh wei ya kani ka sarok da chna hei lut wa Rs. 43.70 klur tangwa da sih ko hapoh 2-3 bnai.
Heiyatoh wow Blacklist yaka Dhar Construction Company, u Prestone da ong u wa mar ya sdang yei takit daw tip manda yoh yaka Report deiwa pynrap wa kani ka sarok toh kawa pait da ka NHAI wei ymtoh kawa pait da ka sorkar jylla wei ka NHAI toh kawa embor wow leh yeini waroh.
Discussion about this post