Uwa yahkhmat la liang pyrchah hapoh Khasi Hills Autonomous District Council (KHADC), u Pynshngain N Syiem da e u yei kyrchaan wa pura yei thmu yong ka sorkar wow kyrriah noh ya ki bru kiwa sah ha Them Metor yow pyndooh noh yei eh wei neibynta i miat i bha ki paidbah.
U MDC ka Mawkhar-Pynthorumkhrah uwa da psiah biang cha ka seiñ Congress da ong u wa ym kwah wow ong iyi iyi leh hajrong i pynbaad wa chim rai ka sorkar toh neibynta i buit yow jop ya ka Election chiteiñ samoi, wei ym kwah u leh wow ong hajrong ka bui (Report) yong ka High Level Committee deiwa ong wa ye u man wa i wanrah ya ka Report da toh por lang wa ka Election.
Hawa kylli, da ong u wa lada ya kani ka phang ka sorkar chim rai du wow yoh myntoi ha ka Election, daw ktah kylla ko ha ka Election MLA ka wow man ha u snem 2023.
Ha i jooh i por da ong u wa ki bru kiwa na baar ym toh u wan tuklar hawa yatoh wa ini i kaam, neibhah ki bru kiwa chong wa sah ha katai ka thaw da pynkheiñ ki ya ki kyndon wa da pynkylla yaw ki ya katai ka thaw wa da e yow sah ki.
U Pynshngain da ong u leh wa iwa kongsan toh wa ka sorkar u em ko ya itæ i mon namo ka Political Will kawa skem wow kyrriah ya ki na katai ka thaw cha kawa rap biang, heiwa ka KHADC leh u e ko yei kyrchaan.
