U President ka National People’s Party (NPP) ha Meghalaya, u Prestone Tynsong da ong u wa lada ka VPP paan sakhi sabut ko yow pynsakhiat ya kiwa lai pynthut yaka yalang ka NPP ha Umsning deiwa kbai ‘Ha u Prah… Ha u Prah…’ kiyi ki lym toh ki dkhot ka VPP, wei neini chakhmat u ieh noh u lai da ka aiñ.
Ka Voice of the People Party lyngba u kyrwoh na uwa e ktien, u Batskhem Myrboh da beiñ wei kyntait u yei pynbaad kiwa yahkhmat ka NPP, u Pyniaid Sing Syiem wa ka VPP da wan pynthut ko yaka yalang paidbah yong ka NPP. Deiwa ong wa kini waroh toh ki klam thok khlem ka sabut wei ka Party da dawa ko toh u sai ya ki sakhi wa ki sabut wa kitu kiwa lai kbai “Ha U Prah” toh ki dkhot yong ka Party næ wa da phah ya ki.
Hajrong ini, u Prestone da ong u wa lada ka VPP booh ko ya kam kitai ki dawa, ieh lada jia biang kam itæ daw phah kem noh ha ki pulit khnang wow lai ka takit wei yow ye u pynsakhiat kiwon kitæ ki bru.
Da ong u leh wa lada kwah sabut, ieh u lai da ka aiñ.
Chooh chooh da ong u wa lada ym pynmih yei ktien ‘Prah’ dang biang, tangwa u kbai ‘Ha u Prah… ha u prah…’ ymtoh mo kiwa kyrchaan wei da pynrap u wa ki paidbah toh u bichaar ki wei ki paidbah leh da yoo ki neibhah ym du ka NPP tangwa wot u President ka UDP leh da chah klam wei chah pynthut hakhmat hakhmat.
Discussion about this post