U MLA ka Umsning uwa da lai psiah cha ka NPP ynne ka sngi, da ong u wa ka luti ymphær ko lada toh cha tidiang næ timune tangwa kam uwa yahkhmat paidbah da hap wow jied ya ka luti kawa yoh myntoi neibynta ki paidbah.
Hawa klam ha ka yalang pdiang burom ka NPP ha ka yung krehkaam yong ka ynne ka sngi, u Dr. Celestine Lyngdoh da ong u wa lada em ha ka Congress næ ha NPP, toh ki jooh ki luti tangwa toh u jied ya ka luti kawa e rap boon i myntoi ha ka roi ka paar yong ki paidbah.
Da e nongmuna wa ka kiwa boon hadooh 90% kiwa em ha kani ka yalang toh ki Congress warim suda tangwa neibynta i myntoi ki paidbah da jied ya ka luti wow e myntoi ya ki paidbah khlem da choon ya kiwon kiwon.
Da ong u leh wa da chim ya ka rai wow psiah cha ka NPP toh hadien wa da yasyllok wa u Montri Rangbah, u Conrad K Sangma uwa da kular wow theh ya ki kaam pynroi ha ka Constituency yong oo. Wei ini ym mut wa ka jylla Meghalaya daw kylla New York noh ko hapoh chi miet tangwa ki kaam pynroi toh ka luti wow lai yow poi cha thong deiwa chlur.
Da ong u wa neidaw wa ka sorkar da boon ko dei bor samen, toh u man ko kawa chlur wow chim ya ka rai neibynta i bha ka jylla wa ki paidbah.
Discussion about this post