U MLA uwa man leh kam u MDC ka Mawhati, u Charles Marngar da ong u wa i wan psiah u cha ka NPP ynne ka sngi ymtoh dei yong samen tangwa deilang ki hajar ngut kiwa yahkhmat kiwa hakhmat ka thaaiñ Mawhati.
Da e burom u leh ya u Dr. DD Lapang deiwa ong wa i pynchlur wei yahluti yong oo toh kawi ka daw bah wa psiah u cha ka NPP, deiwa pynrap wa u Dr. DD Lapang toh uwi na kiwa yahkhmat wa hakhmat dooh ya oo.
Da ong u wa i wan u cha ka NPP ymtoh neibynta samen tangwa neibynta ki paidbah wa ki kaam pynroi ha ka Constituency.
Da ong u leh wa ka Mawhati Constituency toh kawa sahdien tam wei hadien wa da yoh i kular na u Montri Rangbah, u Conrad K Sangma, wa ka sorkar daw theh ko ya ki kaam pynroi, da pyman ya oo wow chim rai wow pynyabi syndon wa ka NPP.
Heijooh i por da ong u leh wa nadooh myntu ka sngi, u kreh borbah u ya ka NPP wa ya ki paidbah ka Constituency wa ka jylla.
Discussion about this post