U Prof. Lakhon Kma, u kyrtong MP samen na ka Shillong Parliamentary Constituency da wan hiar yalap Election u ha Jowai ynne ka sngi deiwa kyntu u ya ki paidbah wow jied ki ya oo kam uwa mihkhmat yong ki neibynta u rah yaka sur u paidbah wa haap hapoh 7 tylli ki District.
Da ong u wa lada jied mynkna da kiwon kiwon wa em Party leh, tangwa chi kaap palat ya u pood ka jylla da sah samen hi, neibhah du samen hi wa ye u psiah hapoh Parliament, du samen hi u yoh wanrah yaka sur u paidbah.
Kamtæ emkaam ya ki paidbah u phah da u næ ka bru wa biang wa chemphang hajrong kammon u yaklam neibynta ka sur u paidbah.
Hawa kyruiñ won u cha ka sorkar BJP, da ong u wa em i maa yaka riti dustur kamjooh i hok wa da e bor da ka riti synchaar ka ri kam i hok wow ngait ha kawon kawon ka niam, wei lada jia wan biang ko hei bor sa chisien u wanrah ko ki aiñ kamwa wanrah ko yaka CAA.
Heiyatoh won wa u MP wa da chah jied la le sien, ong u wym jooh pynsñiaw u yei eh u paidbah ha Parliament nadooh i dooh i duk wa ki baam tooh ha jylla wa kiwi de.
Da ong u wa ini i eh wym em poi Delhi ki, katwa ka poisa da phah bait cha ka jylla heiwa kiwa mihkhmat won pynemkaam bakla ki ka.
Wei kat nang lai ki por kiwa mihkhmat da nang mahajon ki katwa u paidbah won nang dooh nang dooh khamtam cha ki thaw palatsor.
Discussion about this post