• About Us
  • Contact Us
  • Privacy Policy
  • Advertise With Us
  • Terms & Conditions
Friday, November 20, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Politics

Lada jop ka BJP ha Jowai daw yoh myntoi wa chyrkhei bha: Allan K. Suchiang

Wyrta Staff by Wyrta Staff
February 7, 2023
Reading Time: 4 mins read
A A
0
Share on FacebookShare on Twitter

Ynne ka sngi u kyrtong ka BJP na Jowai, u Allan K. Suchiang da wan thap pyrtuid u wow yakhun ya ka Election MLA 2023. 

Hadien wa thap pyrtuid hawa yaklam wa kiwa pathai khubor da ong u wa ka thong yong oo wow yieñ na ka BJP toh kawa ye u krehkaam hapoh ka Constituency neibhah wa em ko leh ha ka sorkar pyrdi wei yooluti u wa i kaam leh u man soh ki heini. 

Da ong u wa kani ka Constituency em ko ar bynta, ka sor waka palatsor heiwa ha sor da chem wa em chiboon i duna kam ha Iawmusiang heiwa ym em ki thaw noh jhep, wei emkaam u chna pynmiat ya ki sarok wa i rukom saam um, da taroi lut ki sarok ha Jowai heiwa da thap ya ki Pipe ha ki dooid wei emkaam wow pynkylla dur namo Redesign biang ya i rukom saam umkor wow man ka um wa khooid wei iwa salonsar. 

Chooh chooh da ong u wa ki thaw puræ kam ka Kiang Nangbah Government College wa kiwi ki skur dang em chiboon i duna nadooh ki tiar wow e sikai wa paka cha ki khynnah wei manda jop u daw sylli u wow pynsñiaw cha ka sorkar hajrong i emkaam ki khynnah deilang wa ki sabut.

Related posts

Khyrngiat u MDC ka VPP wa pynlai u jooh u bru ya 5 tylli ki Check Gate ka JHADC

November 20, 2026

Le ngut ki MDC ka TMC kiwa daw psiah cha ka NPP: Conrad

November 2, 2026

Ha ki thaw palatsor toh u pait ya i yoh i laa ki paidbah heiwa da ong u wa emkaam u puræ kammon u kyntu kynrong yei yoh i laa yong ki nadooh ki sarok, ki sboh, i stat i tip wa kiwi kiwi. 

Heiyatoh wa i chait i khiah da ong u wa ka MCH ha Panaliar ki tiar boon ki wei i tyrwa toh kani ka thaw u pait ko ya ka sor donhi katwa kawa ha Ialong won u pait ko ya ki palatsor ki ar District ka Ri-loom Jaiñtia. Da ong u wa boonsien hawa emkaam u leh du ya ka X-Ray wa kiwi ki Test emkaam ki wow lai cha kiwi ki thaw wei da yooluti u wow pynbiang ya ki thaw sumaar khnang wow lait ki bru u lai cha ki thaw ki bru samen. 

Hawa kylli yei sñiawskem wow jop, neiliang u Allan da ong u wa itæ waroh chong i ha ka sngi wow ñiaw Vote neibhah chong i ha kiwa jied, deiwa kyrpaad ya ki paidbah wow jied ya ka Party khnang wow ye u yarap wa pura wow yoh i kylla neibhah ka Party em ko ha sorkar pyrdi wei kam ka sorkar bei emkaam hi wow pait u pyndap pynbiang ko ya ki khon yong ka.

Da yooluti u wa lada jop ka BJP ha Jowai daw yoh myntoi wa chyrkhei bha wei kam oo u sahep wa em ya ka Technical Background, ka BJP leh man ko kawa pait ko ya ki bru wa ye u e yukheiñ wa emkaam din-pa-din top-pa-top.

ShareTweetSendShare
Previous Post

Neidaw wym bien u yaleh na kiwi, katni da pyrchang ki wow beiñ: Banteidor

Next Post

Da khang ya kiwa na baar chnong wow psiah yalap Election ha ki manyung ka chnong Dienshalalu

Related Posts

Politics

Khyrngiat u MDC ka VPP wa pynlai u jooh u bru ya 5 tylli ki Check Gate ka JHADC

November 20, 2026
News

Le ngut ki MDC ka TMC kiwa daw psiah cha ka NPP: Conrad

November 2, 2026
Politics

Ya ka Election cha GHADC daw pynbna hadien ka Delimitation

April 15, 2026
Politics

Baam smai u Samrat Choudhary kam u CM wa thymme ka Bihar

April 15, 2026
Next Post

Da khang ya kiwa na baar chnong wow psiah yalap Election ha ki manyung ka chnong Dienshalalu

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar