Lada ka District Council wiar ko, ka jaitbru leh daw wiar ko: Rikut Parein

Ynne ka sngi ha ka yalang pyntipmit ya ki kyrtong MDC ka Congress cha ka JHADC, u Rikut Parien da ong u wa kam ki kyrtong emkaam wow yieñ ha ki yurim kiwa skem heiwa manda lai cha ki paidbah emkaam u pynsñiaw ya ka yurim yong ki neibynta ka Election MDC 2025.

U Rikut man u kam u President ka Mowkaiaw Block Congress Committee kamjooh leh u kyrtong ka Party na Saphai-Sahsniang.

Da ong u wa kani ka Election toh ka sien kawa ar wow yaleh Election u wei ym em pynkylla u ya ka yurim yong oo wot ha kani ka kynti.

Chooh chooh da ong u wa i daw wow yaleh u ya ka Election toh wow yoh u pynkhlan ya ka synchaar khadar ha ka District Council wow yada ya i hok ki paidbah na Ri-loom Khasi wa Jaiñtia iwa man i hok yong i khyndaw u chyiap, wow pynkhlan ya ki riti ki dustur wa i man kyrpang ka jaitbru.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Rikut da ong u wa i daw wa yakhun u na ka Congress toh wa man ko du ka kawa yieñ ha ka yurim khlem kylla yutang wow e ya i synchaar wa laitlooid ya kiwa chong chnong ka ri India waroh kawi khlem em i yaphær na ka niam, kiwa chong sor wa palatsor wot na uwa yoh uwa dooh.

Da ong u wa ka Congress donhi ka wow ye u wanrah ya i synchaar na ki paidbah ya ki paidbah wa neibynta ki paidbah wei yoomaa katni ki Party wa ka sorkar booh ki ya ka jaitbru hei maa.

Heijooh i por da ong u wa lada ka District Council wiar ko, ka jaitbru leh daw wiar ko.