theme-sticky-logo-alt
theme-logo-alt
Advertisement ad1
Advertisement ad1

Lada ka sorkar India pynbor ko u chna luti rel, ka sorkar jylla leh toh u pynbor e ILP: KSU

Advertisement ad1

U President ka Khasi Students Union (KSU), u Lambokstarwell Marngar da ong u wa ka KSU ka neh skem bait ko ha i jooh ka yurim wow pyrchah ya ka luti rel katwa ka sorkar ym pu ye ko wow pynkrehkaam ya ki aiñ wow yada nei yoh psiah laitlan ki bru kiwa na baar.

Hajrong i pynbor yong ka sorkar India ya ka sorkar jylla wow pynsmat ya ka luti rel, uwa yahkhmat ka KSU da kylli u ya ka sorkar India iyi wa da leh ko ya ki ar tylli ki rai namo ki Resolution wa ka jylla da phah ko kitæ wow tipmit noh ya ka ktien Khasi wei wow pynkrehkaam ya ka Inner Line Permit (ILP).

Advertisement ad1

Da ong u wa ki phang wa kongsan ka jylla, ka sorkar India dang puræ sah hadooh katni katwa ya iyi wa ka jylla pyrchah ko da mut ki wow pynbor.

Da ong u wa ka seiñ ka klam ko deiwa che ya ka sorkar jylla leh wa lada kwah ki wow lai chakhmat daw sñiawthooh ko iyi wow jia. Chooh chooh da ong wa ka seiñ kwah ko wa ka sorkar u pynkrehkaam chwa ko ya ki aiñ yada wa ka ILP, wei manda biang chwa kitæ ki aiñ, ka seiñ daw yaklam ko lada u pdiang namo ym pdiang ya ka rel.

U Lambok da ong u wa lada wa ka sorkar India u pynbor ko ya ka sorkar jylla wow pynsmat ko u pynkreh ya ka luti rel, ka sorkar jylla toh u pynbor pynsmat ko ya ka sorkar India wow pynkrehkaam smat ya ka ILP.

Share this:
Previous

Ka KHADC u yieñ lang ko wa ki tre thaw lada chna ya ka luti rel

Next

Ym yoo wa hiar dor ki mar ha Garo kawa em luti rel: HYC