U Chief Executive Member ka Khasi Hills Autonomous District Council, u Titosstarwell Chyne da ong u wa ka KHADC daw lai lang ko wa ki tre thaw hawa yatoh wa i thmu wow wanrah ya ka luti rel.
Ha ka dorbar ka sorkar jylla wa dang dep, ka sorkar da pynsñiaw ko wa em i thmu wow lai chakhmat wow chna ya ka luti rel hadien wa em i pynbor yong ka sorkar pyrdi tangwa da pynsñiaw leh wa daw lai chakhmat du deiwa ya syllok wa ki tre thaw wei kamjooh wa waroh kitu kiwa embynta.
U CEM da ong uwa hadooh katni i thmu wow lai chakhmat wow chna luti rel ym pu em poi ko cha ka KHADC, tangwa lada lai chakhmat wow chim yei thaw hap wow yoh yei mynjur na ka District Council, ha itæ i por daw rah biang hakhmat ki khlieh synchaar wa ki tre thaw.
Da ong u wa ha ka sien wa nyngkong ki tre thaw wa kiwa synchaar chnong ki pyrchah ki ya ka luti rel, neiliang ka KHADC da yieñ lang ki wa ki tre thaw.