Lada kwah u pynmih poisa toh u pynduna leh yei pynlut phut, dawa pyndam ka HYC ya ka aiñ yakhle

Ka Hynniewtrep Youth Council (HYC) da dawa ko na ka sorkar wa toh u pyndam noh ya ka aiñ Meghalaya Regulation of Gaming Act, 2021 wa kamjooh ya ka Gaming Commission wa da dep thung leh ya u Chairperson da u Judge wa da chongngiah ka Allahabad High Court.

Ynne ka sngi ka HYC da yachem ko wa u Prestone Tynsong uwa man u Symbood Montri Rangbah ka jylla, hadien wa ka sorkar da wanrah ko ya ka aiñ kawa da tip kam ka Meghalaya Regulation of Gaming Act, 2021 yow pynpawnaam ya ka jylla ha ki kaam yakhle.

U General Secretary ka HYC, u Roy Kupar Synrem da ong u wa ka seiñ ka kyrchaan ko ya ki Balang kiwa da pyrchah leh ya ini i thmu, neibhah ym kwah wow tipmit ya ka jylla kam ka thaw yakhle neibhah na ka yakhle daw mih leh chiboon ki kam sih kiwa ye u ktah ya ka imlang sahlang.

Da khana u wa ka seiñ da dawa ko na ka sorkar wow pyndam noh chisyndon ya katai aiñ wei da pyntip u wa neiliang yong u Symbood Montri Rangbah da ong u wa ka sorkar daw chong pyrkhat ko yow rai ha kini ki sngi wow wan.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ha iwi won i liang, uwa yahkhmat ka HYC da khana u wa ka sorkar da dep thung chwa ko leh ya u Chairperson yong ka Gaming Commission da u Judge wa da chongngiah ka Allahabad High Court, u Justice Navin Srivastava wei ya ini da leh deiwa tip du ka chnat khrong dan (Taxation Department), heiwa da pynsñiaw ki wa ya ini ym ye u pdiang neibhah ka sorkar da tyngkheiñ hi ki ya ki kyndon yong katai ka aiñ.

Da ong u wa katkam ka Meghalaya Regulation of Gaming Act wa ki Rules, kani ka Commission daw man ko ka Permanent Commission wei iwa lyngngoh wa da tyngkheiñ ya ki kyndon yong katai ka aiñ neibhah da leh du daka Taxation Department khlem da tip ka Dhab ki Montri (Cabinet).

Hawa kylli hajrong i kam yong ka sorkar wa i wanrah ya kani ka aiñ toh wow pynmih poisa, neiliang u Synrem da ong u wa i yakhle ym toh du wow yoh dan, daw pynman ya ka jylla kam ka thaw ki dakait wei daw pyndooh nong noh ya ka jylla, deiwa pynrap u wa ka sorkar toh u pynduna ko yei pynlutsan wei lada kwah wa ka jylla u biang ka poisa toh u pynduna noh yei pynlut phut ya ka poisa deiwa thung Chairman, Co-Chairman wei wow leh deiwa eh yow pyndooh ya ki kaam baam-tooh wei kamjooh wow lait nei liat tooh ka poisa na ki chnat waphær waphær (Leakage of Revenue).