U Montri sorkar uwa man leh kam u MLA ka Khliehriat, u Kyrmen Shylla hajrong i wanrah luti rel ha Ri-loom Jaiñtia da ong u wa kattæ chooh ym pu ye u ong tangwa da ong u wa lada man ko iwa myntoi ya ki paidbah daw kyrchaan u wei lada ym em myntoi ko daw pyrchah u.
Ini wa dep, u Comingone Ymbon uwa man leh kam u Montri sorkar kamjooh u MLA ka Raliang da pynsñiaw u yei kyrchaan yow wanrah luti rel ha Ri-loom Jaiñtia deiwa ong wa daw yoh myntoi ki paidbah.
U Kyrmen da ong u wa waroh kiwa mihkhmat paidbah kwah ki wow e yei chakri iwa daw pynmyntoi ya ki paidbah wei ki paidbah leh kwah ki wow yaklam hajrong kani ka kaam.
Kamtæ da ong u wa iwon iwon i rai heiyatoh waka luti rel ym ye wow chim khlem da yoh yei mynjur kiwa chong chnong ka East Jaiñtia Hills wei daw khut pynman yalang leh yow yaklam yeini.
Chooh chooh da ong u wa lada wan da ka rel wa kit mar donhi ym mih itæ i wan psiah laitlan ki bru wei boi deiwa em ka rel daw pynduna ko leh yei sih u sarok kamjooh i ya tyrrah kari.
Discussion about this post