15 49.0138 8.38624 1 0 4000 1 https://wyrta.com 300 0

Lada pyndam ka sorkar yaka Company wa pynlai yaka 108 ye wow e kti won cha kiwi ki Company: Hek

0 Comments
Advertisement ad1

Shillong: U montri ka sorkar jylla wa pait yaka chait ka khiah, u Alexander Laloo Hek da ong u wa ka sorkar ym ye ko du wow chong wow ap yei yakhih ki wakreh 108 hapoh ka lama yong ka Meghalaya EMRI Workers’ Union (MEMRIWU), tangwa da ong u wa ka sorkar ym ye ko u leh iyi iyi leh neidaw wa i dawa yong ki toh kawa naka bor pynlai ka Company. Da pyntip u wa mynstep daw em leh ka yalang hajrong kani ka kaam.

Da ong u leh wa ka sorkar man ko kawa smat wow yaklam, yei khang wa i wai ya kawon kawon ka kaam wei wow pynbait ya i eh toh iwa chimkhai neidaw wa man ki ki bru yong i.

Hawa kylli, da ong u wa hadooh katni ka sorkar ym pu em rai ko wow pynlai ya katai ka chnat, tangwa lada pyndam ko yaka Company wa pynkrehkaam yaka, ye ko wow e kti cha kiwi ki Company wow pynlai yaka kaam.

Da ong u wa ka sorkar daw chim ko yaka rai hajrong kani ka kaam wa yachem ki wakreh 108, wei daw bichaar bniah chwa thij pa thij khnang wow ye u pynbait noh chi syndon.

Kam wow pynkynmoo wa ki dkhot ka Meghalaya EMRI Workers Union (MEMRIWU) da sdang ki yaka chah thngan wa khlem booh por naduh ka 29 tarik uni u bnai wei hadooh janmiet ynnin ka sngi da em soo ngut kiwa chah thngan kiwa da chitom wei da pynkit cha Hospital, wei katkam i pyntip u Roypar Kharraswai kini ki dkhot ki dang pteiñ ki wow chah thngan wot ha ki thaw sumaar.

Hadooh ynne ka sngi neiliang ka sorkar da phah ko leh ya ki Doctor wow pait ya i man ki dkhot wa chong chah thngan ha pchem ka yung krehkaam ka 108 kawa em ha Lawmali, Shillong.

0 Comments

Leave a Reply