Lada pynku yei su ya kiwa sikai SSA tangwa khlem ka mang poisa daw wanrah yei jooh hi i eh: Rakkam

U Montri wa pait ya ka chnat puræ puthi, u Rakkam A Sangma da ong u wa ka sorkar da phah ko cha ka State Education Commission (SEC) wow puræ bniah yei dawa kiwa sikai Samagra Shiksha Abhiyan (SSA), wei daw yang ko yei e yumut da ka Commission.

Da ong u wa ka sorkar kwah ko wow pynbait chisiendon yei eh i khoo kiwa sikai, tangwa da pynrap u wa ka mang poisa toh iwa eh, wei lada ye wow pynbiang ya ka poisa daw ye wow pynbait yei eh yong kiwa sikai.

Chooh chooh da ong u wa sorkar dang thooh ko ki laad ki luti kiwa biang tam yow leh neibynta kiwa sikai, neibhah lada pynku bait yei su khlem ka poisa, ini i jooh i eh daw neh daw pteiñ biang hadien.

U Rakkam da khana u wa da kyntu leh ya kiwa sikai wow sangeh noh ki yei yakhih wei wow lai liwan cha ki skur neibynta ki khynnah.