Lada pynslem biang ya ka Election neidaw ka Amendment ka 6th Schedule, da kut ka samoi ki MDC: PN Syiem

U Deputy CEM ka KHADC uwa man u MDC ka Congress na Mawkhar-Pynthorumkhrah Constituency, u Pynshngaiñ N Syiem da ong u wa katkam i sñiawthooh u, lada wanrah yei pynkylla namo ka Amendment ka Sixth Schedule ha u Kmaichonglad (Dec) uni u snem, daw em biang i pynslem ya ka Election sa kajiak bnai, tangwa i man MDC tæ da kut, neibhah katkam ka Sixth Schedule ym ye wow pteiñ ya ka samoi krehkaam hadien wa dadep pynyinsur chi snem.

Da ong u wa lada neh kamwa man, ka Election toh u man ko kawa lai bait ha ka tayaaw wa khaddooh u Thohlakhmi (Feb), wei lada em i pynslem biang neidaw wa wanrah ya ka Amendment, ka sorkar jylla deilang wa u Lat ka jylla ye ki wow thung da uwa pait chipor ya ka Council kam u Administrator, wei ka samoi krehkaam yong ki MDC wa katni waroh leh u ktu noh ko.

Ha iwi won i liang, u Pynshngaiñ da ong u wa i pynjhan ya ka sorkar India wow wanrah ya ka Amendment hapoh ka Sixth Schedule, ymtoh wa leh da ka KHADC, tangwa da ki dhab ki 10 tylli ki Autonomous Council kiwa em ha North East wei khamtam ki ADC kiwa em ka BJP da pyrchang ki wow pynsmat katwa ye yow wanrah ya ka Amendment.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025