Shillong: U CEM ka KHADC, u HS Shylla ynne da ong u wa lada ka sorkar pynyinsur ko ya ka samoi ki MDC, daw ekti noh u ya ka chuki CEM cha u Teinwel Dkhar uwa man kam u MDC ka UDP wei kamjooh leh kam u Chairman ka Council katni.
Da ong u wa chwa wow chimkti u ya ka chuki CEM da yaklam u wa u Teinwel wa daw ekti u ya kani ka chuki lada pynyinsur ya ka samoi katwa oo (Shylla) won u chimkti noh u kam u Chairman.
Heijooh i por da ong u wa ym yakhun de ya ka Election MDC neibhah oo thmu u wow kyrchaan ya u Egenstar Kurkalang u wow yakhun na Nongkrem kam u kyrtong ka UDP ha kani ka kynti wei waroh kiwa kyrchaan yong oo u lai noh ki na u Egenstar.
Hajrong ka Dorbar Bah ki Kur u Shylla uwa man kam u Chairman ka Synjuk ki Kur ka Bri u Hynniewtrep da ong u wa ka Dorbar Bah wa nyngkong u man ko ha ka 2 tarik Thohlakhmi ha Aurobindo Hall, Shillong heiwa daw yaklam hajrong kammon wow pynkhlan ya ki Dorbar Kur, ki Seiñkur neibynta wow yada ya ka jaitbru.
Discussion about this post