Lada tih mooyong da ki Co-operative Society daw dooh yei hok kam ki tre khyndaw: JCOMSWA

Kiwa yahkhmat ka Jaiñtia Coal Owners, Miners, Suppliers & Workers Association (JCOMSWA) da lai chimbynta ki ha ka yalang wa da khut da ka yung krehkaam u Deputy Commissioner (DC), East Jaiñtia Hills District yow ap u sñiaw yeiwa da tyrwa ka sorkar pyrdi heiyatoh wa i tih mooyong.

​Neiliang ka JCOMSWA da yieñ pyrchah joor ko yei thmu ka sorkar India kawa kwah wow pynbor wa yei kaam tih mooyong ha Meghalaya toh u leh du lyngba ki Co-operative Society.

Ka Association da ong ko wa i daw wa pyrchah yeini i thmu toh wa daw pyndooh ko yei hok mantre kam ki tre thaw iwa da pynskem da ka Sixth Schedule wa ka riti dustur.

Da kdaw leh wa kiwa boon ki tre khyndaw toh kiwa rep wa ki bru wa em ki thaw wa khian wei kani ka kyndon daw pyndooh kaam wei pynman ko ya ki hajar tylli ki manyung kam kiwa dooh wa duk.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Neiliang ka JCOMSWA hi kwah ko wa i tih mooyong u man ko kam nachwa hi deiwa bood ryntih ya ki kyndon yada rymaw wei deiwa man chngaaiñ wei ymtoh deiwa knieh yei hok ki tre thaw wei kam ka seiñ u yieñ tylli ko yow yada yei hok wa ka mynried yong ki paidbah.

I pyntip na u Marshall S.B. Biam (President, JCOMSWA – CEC).