U Symbood Montri Rangbah ka jylla, u Prestone Tynsong da ong u wa neiliang ka sorkar lada yoh por u Home Minister ka ri, u Amit Shah, daw yaklam hajrong ka phang Inner Line Permit (ILP) wa ya ka ktien Khasi.
U Amit Shah daw wan u cha Shillong ha ka 4 tarik yow pynlai ya ka yalang yong ka North Eastern Council (NEC) ha Shillong heiwa ki Chief Minister na waroh ki jylla ka North East daw wan ki yow chimbynta.
Hawa klam ynne ka sngi, u Prestone da ong u wa hei yong sakhiat ka yalang ka NEC toh yow yatai ya ki kaam yong ka North East tangwa lada em i por daw pynsñiaw ki ha u Amit Shah ya ka ILP wa i tipmit ya ka ktien Khasi leh.
Heijooh i por, da ong u wa ha ka yalang ka NEC, ye wow yaklam leh ya ka luti rel tangwa u pyntikna wa neiliang ka sorkar jylla ym e laad ko wow lai chakhmat khlem da yasyllok wa ki paidbah hajrong kani ka bynta.
Discussion about this post