U Symbood Montri Rangbah ka jylla, u Prestone Tynsong da ong u wa ka yalang ynnin ka sngi hapyrdi ka Meghalaya wa ki Karbi Anglong na Assam, da ya mynjurlang wym pynwit pynthut de ya kiwa rep kiwa lai lyngkha ha ka thaaiñ Lapangap.
Hawa klam ynne ka sngi, u Prestone da ong u nadooh myntu ka sngi ka rep ka riang ym chah pynthut de wei waroh ar liang u pynskem ki yei yatohlok.
Hajrong ka Regional Committee wow pynbait pood wa ka Assam, u Prestone da ong u wa ka sorkar Meghalaya dang yang ko yei yoh jubab na ka Assam yow sdang biang yei yaklam yow pynbait pood ya ki 6 tylli ki thaw kiwa dang sah.
Katkam i ong u Prestone i yaklam daw sdang biang i hadien wa ka sorkar ha Assam da ye ko wow thung ya ki Montri yong ki chnat waphær waphær.
Discussion about this post