Ka Jaiñtia Students Union (JSU) seiñbei da dawa ko na ka sorkar Meghalaya wym toh u e Winter Capital ya ka Tura, deiwa maham ko leh wa lada yoh Winter Capital ka Tura, ka Jowai leh toh u yoh Summer Capital ko neibhah hapoh Meghalaya em i le tylli ki jaitbru, ki Khasi, ki Garo wa ki Jaiñtia.
Kamtæ yow lait u noh chiliangkhmat wei arsap, ki Jaiñtia leh toh u yoh bhah ki mar katjooh.
Ka JSU da ban joor ko leh wa ki Jaiñtia toh kiwa dang duna bha i yoh ya ka roi ka paar wei da emkaam bha ko ya kani ka Summer Capital khnang u kulang katjooh ha waroh ki liang.
Kamwa da tip i wa ka Jowai da man ko ka District wa nyngkong dooh hapoh Meghalaya, neiliang ka sorkar Meghalaya leh dadep pynbna ki ya ka Mini Secretariat wei lada yoh sa ka Summer Capital dang jan chooh chooh ka sorkar u synchaar ya ki paidbah.
Ka seiñ da maham ko leh lada ym yoh ka Jaiñtia, daw pynman ka yakhih wa joor hapoh Meghalaya, da ong ka khubor wa da phah da u General Secretary ka seiñbei, u Neilkee Mukhim.
Discussion about this post