Ynne ka sngi u montri rangbah ka jylla, u Conrad Sangma chirup wa u montri ka chnat Transport, u Sniawbhalang Dhar, u MLA ka Jowai, u Wailadmiki Shylla wa ki sahep ka chnat PWD da booddien ki ya i pynkhreh ya i pynkreh ya ka Mini Secretariat ha Jowai.
Kani ka Mini Secretariat toh i thmu ka sorkar wow wanrah ya waroh ki chnat krehkaam yong ka hapoh ka West Jaiñtia Hills ha iwi donhi i thaw wei da jied wow chna ya ka ha i thaw wa em ki yung krehkaam ka chnat PWD katni.
Ha kani ka yalang ynne ka sngi da pait ya i dur wa da pynwandur (Design/Plan) wow chna ya kani ka Mini Secretariat ka wow em le tylli ki Block ha kiwa da pynchon ya ki chnat krehkaam ka sorkar.
Ha ka yalang wa hadien wa phyllu yumut bha, da phah wow pynwandur ya kani ka yung ha i rukom wow ye ko wow pynsuk ya ki sahep, ki wakreh ki chnat wa khamtam leh ya ki paidbah wei wow pynwandur ya ka ym du neibynta katni tangwa neibynta ka mynried leh kamjooh.
Ha kani ka yung krehkaam Mini Secretariat daw em leh ki thaw pynyieñ kari kiwa heh kiwa paka, ki sarok wa lai-liang wa kiwi kiwi.
Da antaad leh hawah haneiñ wa i kreh ha ka u sdang i pyn hapoh kini ki bnai wow wan.
