U Montri Rangbah ka jylla, u Conrad K. Sangma ynne da ong u wa kamwa 35,000 ngut ki khynnah u yoh ki ya ki MTabs (PC tablet) wow pynchlur ya ki khynnah ha ka kyrdan Higher Secondary wei ya ini da ong u ya ki khynnah na ki skur ka East Khasi Hills ha ka yalang saam ya kini ki MTabs ha U Soso Tham Auditorium, Shillong ynne.
Da ong u wa emkaam wow pynemkaam ya ka stat Technology, heiwa da kdaw u wa ym mut wa du deiwa ksoh ya ki Tablet ha kti wei wow thap ha muna da man phi kiwa stat, emkaam leh u tip kammon wow pynemkaam ki deiwa ye u chim kabu yei bor yong ki wei wow pynemkaam hok ya kini ki tiar.
U Conrad da ong u wa ka Digital Learning man ko kawa emkaam bha wei ka Technology daw yarap ko ha iwa boon i liang iwa ymye wow mutdur. Kamtæ da kyrpaad u ya ki khynnah wow pynemkaam ya ki Tablet dei miat khnang wow ye u yoh myntoi bha ki.
Hajrong i yoh Internet da ong u wa ka sorkar daw sdang ko ya ka State Wide Area Network heiwa daw pynyabi ya ki thaw puræ waroh wow pyntikna wa yoh Internet ki.
Ha kani ka sngi u Conrad wa u Montri ka chnat IT & Communication, u Hamletson Dohling da saam ki ya ki MTabs cha ki khynnah na ki skur ka East Khasi Hills.
